Shillong: Na ka jingiakynad bad iakhun thma ka ri Iran pyrshah ia ka ri Israel bad USA, ka la ktah ia ka ri India ruh.
Ka dor jong ka premium petrol ka la kiew dor sha ka 2–2.3 tyngka shi litre ha kylleng ka ri India hynrei ka dor ka regular petrol bad diesel ka dang neh kumjuh.
Ka jingkiew dor ka umphniang premium kan treikam naduh mynta ka sngi Thohdieng. Ka umphniang petrol XP95 ka kiew sha ka T. 101.80 shi litre bad ka daw ka dei na ka jingkiew dor ha ka pyrthei na ka jingkhie ka thma ha West Asia, ha kaba ka dor ka umphniang ha ka pyrthei ka la kot sha ka 100 US Dollar shi barrel.
Ka jingkiew dor ka umphniang bym pat sain, ka la ktah ia ki kompeni kiba thied bad die umphniang kum ka Indian Oil, HPCL bad ka BPCL.
Ka jingtlot ne ka jinghiar ka dor ka jong pisa Rupees pyrshah ia ka pisa US Dollar ka la nang pynkiew ia ka dor ka umphniang kaba la pyllong ia ki kompeni ban pynkiew ia ka dor ia ka premium fuel.
Kane ka jingkiew dor ka lah ban nang kiew ha kine ki taiew ban wan lada ka jinglong jingman ha ka pyrthei ka nang iai bteng.
Na ka thma Iran-Israel, USA, kiew dor ka umphniang kali T.2 tam
