Shillong: Mynta ka sngi ka Khasi Students Union (KSU) ka la mih paidbah brum rum rum ha surok ha Lachumiere shi bynta jong ka jingdap 48 snem jong ka seng.
Ka KSU ka la pyllong ia ka jingrakhe ha khmat u mot jong u Myllung Soso Tham ha kaba la ioh ruh ia ka jingkren na ki nongialam kynthup u President bah Lambokstarwell Marngar, General secretary bah Donald V Thabah bad kiwei ki nongialam.
Ki nongialam ka KSU kila kren da kaba tyngeh ba ka KSU kam pdiang ia ka jingwanrah ka sorkar ia ka jingrwai Vande Mataram bad ka la byrthen ba kano kano ka skul, ki tnat sorkar kaba rwai ia kane ka jingrwai, ka KSU kan leit khang syndon namar ba kane ka jingrwai kam iahap ia ka jinglong ka ri India namar ba ka iadei ia ka jinglong Hindu.
Ki la ong ba ka KSU kan ym shongthait ban iakhun na ka bynta ban iada ia ka jaitbynriew namar ba ha ka KSU ym don phatok ym don lathi, ka ri ka don hakhmat jongki.
Brum rum rum mih kynsan ka KSU, shlei ka surok ha thain Lachumiere ha ka jingdap 48 snem
