Shillong: U Myntri Rangbah ka Jylla u Conrad K Sangma u la ong ba ka jingjia ïakulmar ha Garo Hills mynta ka la jai jai ha kaba ki paidbah ki la ïoh ban mih biang kumba ju long man ka sngi, hynrei ka sorkar kan dang hap ban peitngor.
U Myntri Rangbah haba kren sha ki nongthoh khubor hadien ba la dep ïakynduh ïa u Lat ka Jylla ha ka janmiet sngi Palei ka 19 tarik Lber 2026 u la ong ba ha kine ki ar taïew u don ha Ri Lum Garo bad u la ïoh ban ïakren bad u tang lyngba ka phun, kumta ba kane ka sngi u la wan ban ïakynduh ïa u Lat tang na ka bynta ban ïathuh ha kaba ïadei bad ka jinglong jingman kaba la jia ha Ri Lum Garo.
Ha kane ka sngi la synran lang ïa u Myntri Rangbah da u Symbud Myntri Rangbah u Bah Prestone Tynsong uba peit ruh ïa ka tnad Home jong ka sorkar Jylla.
Ka jingïakulmar ha Garo Hills ka la jai jai, hynrei ngin dang hap ban peitngor: Conrad
