Shillong: Uwei u briew ula khlad bad uwei pat ula mynsaw ha kine ki khyndiat sngi na ka jingkhie ka eriong bad u phria ryngkat u slap ha ka kylleng ki jaka ha ka jylla.
Katkum ka jingkhein kaba la ai ka sorkar jylla lyngba ka State Disaster Management Authority (SDMA) Shillong, ki don 13076 tylli ki iing, 48490 ngut ki briew, 745 ki shnong ha ki 30 tylli ki Block kiba la shah ktah ha ka jingkhie ka eriong ha kine ki sngi.
Ka SDMA ka la pyntip ruh ba la don 66 tylli ki jingtei, bad 0.4 hectare ki jaka rep kiba shah pynjulor ka eriong bad u slap. Ki District kiba shah ktah ki long ka East Khasi Hills, West Khasi Hills, Ri-Bhoi, South West Khasi Hills, Eastern West Khasi Hills, West Jaintia Hills, East Jaintia Hills, West Garo Hills, East Garo Hills, South Garo Hills, South West Garo Hills bad ka North Garo Hills district.
Kane ka jingkhein ka dei naduh 13 tarik haduh 17 tarik mynta u bnai Lber 2026.
Iap 1, shah ktah 48 hajar ngut ha ki 700 tam ki shnong kynthup 13 hajar ki ïing
