Shillong: Ha ka tamasa kaba la pyllong ka shnong Mawsadang, la sakhi ia ka sap kem dohkha, kem sniang bad kem han ki kynthei katei ka thain kiba iashim bynta ha kane ka jingiakop.
Ia kane ka jingiakop la pyllong ha madan lynter, ha shnong Mawsadang ka Hima Nongspung, kaba jngai 4 km na shnong Tyrsad, East Khasi Hills bad kane ka dei shi bynta jong ka jingiakop pynmareh kulai ban pynkhie im biang ha katei ka shnong ryngkat ka jingpyllong ia ka iew ki nongrep ha ka 14 tarik Lber 2026.
Ka jingiakop ka la pynshong shit ia ki paidbah kiba wan ban sakhi ban peitkai ha katei ka tamasa ban iohi ia ka sap kaba snah jong ki kynthei haba ki kem ia ki han, ia ka sniang bad ki dohkha ha ka jaka kaba la pynkhreh da ki nongpyniaid.
Ym tang ki kynthei, ka la don ruh ka jingiakop hapdeng ki shynrang kaba la nang pynshong shit ia ki paidbah.
Ki kynthei ki snah bha ban kem han, kem sniang bad kem dohkha
