Shillong: Ka kynhun myntri ka sorkar jylla mynta ka sngi, ka la rai ban pynjlan ia ka samoi ka Garo Hills Autonomous District Council (GHADC) sa hynriew bnai, kaba mut ba kan kut haduh u Risaw ban wan mynta u snem.
Haba pyntip hadien ba la wai ka cabinet mynta ka sngi, u symbud myntri rangbah bah Prestone Tynsong ula ong ba ka Executive Committee kaba thymmai jong ka GHADC kan shim ia ka sienjam ha kaba iadei ka jingiashim bynta ki bym dei riewlum ha ka elekshon sha GHADC bad ka mat Schedule Tribe.
U la ong ba na ka liang ka sorkar ruh kan lum ia ki kynhun bapher bapher kynthup ki seng sain pyrthei ban iathir halor kane ka mat.
Ha kajuh ka por, ula pyntip ba u Lat ka jylla ula khot ia ka dorbar kyrpang hadien ba la ioh ia ka jingujor na ki 21 ngut ki MDC hadien ba kim Shaniah shuh ia u CEM ka GHADC.
Shwa ban sdang ka dorbar kyrpang, u CEM ka GHADC u Albinush R. Marak ula risain noh bad ka dorbar kala jied thymmai ia u Dhormonath Ch. Sangma kum u CEM.
Ha kane ka cabinet u myntri rangbah u Conrad K Sangma ula shim bynta da ka video conferencing
Ka EC thymmai kan rai ia ki Non-tribal ban iashim bynta ha ka elekshon bad ka syrnot ST: Prestone
