Shillong: Ka jinglong jingman ha Tura, West Garo Hills ka la sdang wan phai biang hadien katto katne sngi ba la mih ka jingiakynad ha katei ka thain.
Ki paidbah kila iamih ban pynkhuid mynta ka sngi ia ki jaboh jabain bad ki tum ki tam kiba la saphriang ha ki surok ki lynti ki syngkieng na ka jingshah pynjulor ha ka jingiakhih.
La iohi ba ka jingjulor ka long kaba jur ha kaba ki iing ki sem, kila shah pynpra, shah pynpait, bad kila shah pynjulor naphang.
Ha kawei ka dukan kaba la shah pynpra, la don ruh ka jingthoh kaba ong, Im Slem Jaitbynriew Garo watla ka la shah pynjulor ha ka jingiakhih ki paidbah ha ka miet sngi Balang.
Katkum ka jingtip, ki briew bym tip, kila pynjulor ia ki mar ki mata ha ki bynta ka nongbah Tura hapdeng ka jingiaid ka jingiakynad.
Ha ka jingiakynad kaba la mih na ka jingshim bynta ki bym dei riewlum sha ka elekshon jong ka GHADC kaba la pynsangeh noh shwa na ka daw ka jingthut ka shongsuk shongsain.
Ar ngut ki briew kila iap ha kane ka jingiakynad haduh ba ka sorkar ka la hap ban pynjari da ka korphiw bad khang kor internet ban tehlakam ia ka jingiakynad.
Ka jingjulor kaba shyrkhei ha Tura, sdang wan phai ka jingsuk
