Shillong: U President ka seng Hynniewtrep Youth Council (HYC) u bah Roykupar Synrem ula ther ba ka dei na ka sorkar kaba la pynioh lad ia ki mynder ban wan bad nud ban pyni bor ia ki trai shnong ha ka jylla.
Haba kren haka jingialang paidbah ha Motphran mynta ka sngi kaba la pynbeit da ka Confederation of Meghalaya Social Organisations (CoMSO) ban kyrshan ia ka jingdawa ban khang lad ia ki bym dei riewlum ban iakhun ia ka elekshon MDC sha ka Garo Hills Autonomous District Council (GHADC), u bah Roykupar ula ong ba la tip ba ka daw kaba la pyllong ia u Conrad K Sangma u myntri rangbah ka jylla ban pynsangeh ia ka elekshon MDC sha GHADC, ka dei namar ba u tip ba ki paidbah Garo kin ym jied shuh ia ka NPP.
U la ong ba ka jingnud ki mynder ban beh ia ki Garo na ki shnong jongki, ka dei namar na ki nongsynshar kiba la ailad ia ki bad mynta kila nud ban pyni bor syndon.
U la ong ruh ba ka jingjia ha Garo Hills ha kaba u mynder ula nud ban knieh ia ka hok synshar khadar, kam slem shuh ba
Ula kyntu ia ki paidbah Garo ba kim dei ban duh jingkyrmen namar ba ki Khasi-Jaintia kin ieng lang ban iakhun pyrshah ia ki mynder kiba thmu ban wan klun ia kane ka ri.
Ki kam pynroi kim long eiei lada ka jaitbynriew bad ka ri kan shah knieh noh ha ki mynder, la ong u bah Roykupar.
U Conrad u pynsangeh ia ka elekshon namar u tip ba ki garo kim ym jied shuh ia ka NPP: President HYC
