Babu Kular Khongjirem.
Tang shu bakla tiak, imat, u Chief Minister ka Meghalaya, u Conrad Sangma u lah ban poi shaduh ka jinghiar shuki syndon lada kane ka jingiakhih ha Garo Hills ka nang jur nang jur bad pur shuh shuh sa sha kiwei kiwei ki bynta jong ka Meghalaya lada kane ka sorkar MDA II hapoh ka jingialam jong ka party NPP bad UDP, etc kim lah ban tem kloi ia kane ka jingjia bad jingbitar jong ki paidbah.
Ka jingiap briew 2 ngut ei ei(kumba ka paw na ki lad pathai khubor) ha west Garo Hills na ka daw jong kane ka jingiakhih ka la long lypa ka jingsdang jong ka jing pynrem bad ka jingsngewsih paidbah pyrshah ia kane ka sorkar. Ka sorkar MDA II hapoh ka jingialam ka party NPP ka la hap ruh ban pynsahngeh noh ia ka Elekshon MDC ha GHADC kaba la dep rai ba kan long ha ka 10th u Iaiong(April) myntra u snem 2026.Kane kalong ka sien kaba nyngkong eh ha ka history jong ka jylla jongngi ban pynsahngeh hak dak ia ka Elekshon tang na ka daw jong ka jingiakhih paidbah..Bun ki kandidiet(candidates) kiba la dep thep kyrteng. Don ruh kiba dang mut ban thep kyrteng sa hadien shi sngi ar sngi hynrei kim lah shuh namar ba la pynsangeh(postponed) noh ia ka elekshon.
Ka jing shah thang noh ka Office jong ka party NPP ha nongbah Tura mynnin(kumba iohi na ki media) ka la nang pynkhuslai shuh shuh ia ka sorkar MDA II khamtam ia ka party NPP kaba ialam ia kane ka sorkar.Lada ka party NPP ka la duh mynsiem ha thymmei lajong(Garo Hills), shano pat kan leit pynthiang pynbang biang, ka shitom shibun ban leit pynbiej ha ri Khasi lait noh sa tang katto katne ha Jaintia Hills ba ki briew ki kwah NPP. Mar ia kut ka elekshon MDC ha GHADC, ka bye- elekshon MP na Shillong seat ruh,kam jngai shuh sa tang hapoh 6 bnai ei ei.Baroh ar tylli ki elekshon MDC bad MP kin ktah bha ia ki party ba ialam ia kane ka sorkar myntra khamtam ka party NPP.
Lada jia shisha haduh ba u Chief Minister un hair shuki noh shisha,kaba i sheptieng eh kalong ba,ioh kane ka party ka la poi noh pynban ha kliar eh(climax) bad shen kan sa syntuid noh artad suki suki katba nangiaid ki por ki snem.
Ka jingbym lah kane ka sorkar ban pynurlong ia ka ILP ha Meghalaya, ka jingbym lah jongka ban pynrung ia ka ktien Khasi-Garo ha ka khyrnit kaba phra(8) jong ka riti synshar ka ri India,ka jingbym lah jongka ban jop(solved) ia ka jingeh jong ka border, bad kiwei kiwei kila long lypa u dak jingkylli uba heh bha ia kane ka sorkar.Bun ki ong ba kane ka sorkar MDA II ba la ialam da ka party NPP kalong ka sorkar ‘Khlein la thang jwat la bam’. Bun ruh ki ong ba ka dei ka ‘Sorkar bam hati kit kulai’ namar ka jingpynlut jongka ka kham bun palat ban ia ka jingioh kamai jongka.Ka ktien ba ki kren sha u paidbah ka thiang palat la kum ka umngap tangba ki paidbah ki kthang hi ngang haba ki dih ne bam ia ka.Tang ki katto katne ki nongialam paidbah(MLAs/MDCs) kiba la ioh ia kata ka jingbam bang ka jingbam thiang bad baroh baroh ki ia beh bad boi sha ka la kum ba boi u ngap ne u dkhiew ia ki jingbam thiang..Lada jia ba long elekshon thymmai lei lei myntra, imat, kine ki nongialam paidbah(MLAs) kiba don sha ka liang sorkar ki lah ban shah sloit noh syndon ia ka bor bad ka iktiar ba ki bat ha u paidbah bad shen kin sa kylla riew madan noh.”Ynda la sloit ia ka iktiar,wat u Syiem ruh u kylla ‘riew madan”.
Hato!! U Conrad Sangma un hiar shuki noh?
