Shillong: Ka bor District ka West Garo Hills ha ka sngi Ba-ar ka la pan shipai ban iaid pahara ne ka ‘flag march’ ha ki 37 tylli ki shnong kiba don hapdeng ka jingkulmar na ka jingiakynad pher jaidbynriew.
Ka jingiakynad kala mih hadien ka jingkhang ia ki bar Jylla ban iashim bynta ha ka elekshon sha ka Garo Hills Autonomous District Council (GHADC).
U Deputy Commissioner ka West Garo Hills u Vibhor Agarwal ula thoh sha u Commanding Officer ka 101 Area, Eastern Command ban phah shipai ban pynlong ia ka jingiaid pahara ban tehlakam ia ka jingiakynad ha ki jaka thor ka West Garo Hills na ka jingthut ka shongsuk shongsain ha ka thain.
U Deputy Commissioner ula ong ba ki bor district bad ki Pulit kin ai ia ka jingiatreilang halor kane.
U District Magistrate ula thoh ruh ba ka jingpyrshah ia ka jingiashimbynta ki bar jylla ha ka elekshon GHADC kala pynthut ia ka shongsuk shongsain ha ka thain bad dang shen, kala mih ka jingkynad pher jaidbynriew hapdeng ki ar kynhun, kaba la wanrah ia ka jingkulmar kaba jur.
Pan shipai ka sorkar ban iaid pynneh ia ka shongsuk shongsain West Garo
