Shillong: U MLA barim ka Mawsynram uba dei ruh u CEM barim ka KHADC u bah Pynshngain N Syiem ula mih noh na ka Congress halor ka jingai daw ba ka party ka la lapmiet ban ktait ban wohnia ia ka sorkar pdeng katba ia ka kam ïing lajong kim patiaw eiei.
U bah Pynshngain ula phah ia ka shithi iehnoh kam kum u Working President ka Meghalaya Pradesh Congress Committee (MPCC) bad kum u dkhot ruh sha u General secretary ka All India Congress Committee u KC Venugopal.
Ha ka shithi, u la ong ba watla ula ap slem ia ka party ba kan pynbeit ban pynthymmai ia ki nongkitkam, bad ban pynkhlain ia ka party ha ki tnad bapher bapher ha ka jylla, hynrei kane kam shym la urlong satia. Kumta, katkum ka sur jong ki paidbah babun ba lang ka jylla Meghalaya, bad khamtam ka jingiatip lem jongu, ula rai ban risain nmoh na ka kam kaba u bat kum u Working President ka Meghalaya Pradesh Congress Committee bad na ka jinglong dkhot ka Indian National Congress naduh ka 10 tarik Lber 2026.
Krad noh u bah Pynshngain na ka Congress| ha jaka ban pynbha ia ka ïing, ki ktait ia ka sorkar pdeng
