Shillong: Ka thma hapdeng ka Iran pyrshah ia ka USA bad ka Israel ka la nang jur hadien palat shi taiew mynta ha ka jingiather da ki nam ding, ki tup ki man, ki liengsuin iapom mar kylliang.
Ka Iran ka la kam ba da ki spah ngut ki shipai ka America kila kyllon iap bad bun bah kiba la mynsaw ha ki namding bad ki jinghiar thma ki kot kudi nar ne drone sha ki ktem ka America ha Bahrain bad ha kiwei ki bynta jongka Middle East ne West Asia.
Katkum u heh shipai uba dei ruh u nongaiktien ka Iran u Ibrahim Zolfaghari, ka Iran ka la khyrwit ha ki ktem ba kongsan ka America kynthup ia ki headquarters ka United States Fifth Fleet ha Bahrain bad ha ka Al Dhafra Air Base ha United Arab Emirates.
Ka Iran ka la kam ba 220 ngut ki shipai ka U.S.A kila iap bad shibun bah kila mynsaw.
Ka Israel bad ka America kila hiar thma ia ka Iran ha kane ka taiew kaba la dep bad ka la pyniap ruh ia u nongsynshar ba donbor ka Iran u Ayaltolah Ali Khamenei. Kila hiar thma ia ka Iran halor ka jingpyneh jongka ban bteng ban shna nuclear bomb.
Kam ka Iran ba kyllon iap 200 ngut tam ki shipai ka America
