Shillong: Ka seng Voice of the People Party (VPP) ka la kyrmen skhem ba u paidbah ka ri Khasi-Jaintia un ai biang ka jingshaniah kaba kham jur ha ka elekshon shiteng samoi na ka bynta u MP na Shillong Parliamentary Constituency sha ka Lok Sabha ha kane ka kynti, hadien ka jingkhlad noh u Dr. Ricky AJ Syngkon.
U nongaiktien ka VPP u Dr. Airpeace Well Rani ula ong ba ka VPP ka donkam ka jingialam u Blei bad u paidbah namar ba kane ka shuki MP kaba dang thylli, ka don ka jingthylli ban pyndap ia ka.
Ula ngeit skhem ba ha kane ka elekshon ba mynta, yn ioh biang ia kane ka shuki lyngba ka bor u paidbah kumba kila ai ia Dr. Ricky AJ Syngkon uba la khlad syndet noh dang shen.
U Dr. Aripeace u la ong ba kane ka elekshon kan dei ka jingai burom ia u Dr. Ricky bam kwai ha duwar u Blei bad ban pynskhem ia ka jingshaniah u paidbah ia ka party bad kawei pat ban ai ia ka bor ha u briew uba ka party ka la bynshet ban kit ia kane ka lyngkor kaba khia.
Ka VPP ka la tyrwa ia ka kyrteng u Dr. Batskhem Myrboh ban long u kyrtong MP ha kane ka elekshon shiteng samoi kaban sa long shen.
Kane ka elekshon shiteng samoi, kan dei ka jingai burom ia u Dr. Ricky AJ Syngkon, ong u Dr. Airpeace
