Shillong: Ki paidbah na kylleng kila tuid sha ïing kmie jong u Dr. Ricky AJ Syngkon ban sngew lem halor ka jingkhlad kyndit jongu hynnin ka sngi.
Mynta ka sngi, naduh dang step ki paidbah kila tuid ban leit sngew lem ia ka met ba dang sah jongu, ha Pohkseh, Shillong.
Ki paidbah kim lah khlem da jaw ummat bad sngew myllung halor kane ka jingkhlad syndet noh u MP tang hadien ar snem ba ula mihkhmat na ka Shillong Parliamentary Constituency.
Kila pynpaw ba u Dr. Ricky AJ Syngkon u dei uba kren ia ka hok bad ka jingshisha bad u ieng ban iasaid khlem jingriej hapoh Parliament ruh. Kila pynpaw ba ka long kaba eh ban ioh ban mih bujli kum u Dr. Ricky AJ Syngkon. U dei uba riew blei, uba khuid u bym ju leh meng, hynrei uba sngew rit, bad leh rit. Ka dei ka jingduh kaba khraw ia ka jaitbynriew kum une u shakri paidbah.
Ia ka met jongu, yn rah pat na Pohkseh sha Nongsder, Ri Bhoi kaba u sah, bad yn pyndep ha ka 21 tarik Rymphang 2026, kata lashai ka sngi.
Lag ban kdew u Dr. Ricky AJ Syngkon ula khlad noh ha ka janmiet 19 tarik Rymphang 2026 hadien ba ula kem pang kynsan ha ka jingialehkai Futsal ha Mawlai Mawiong.
Tuid wan sngewlem ki paidbah ia u Dr. Ricky AJ Syngkon | ka eh ban don ba mih bujli ha jaka Dr. Ricky AJ Syngkon
