Shillong: U Myntri Rangbah barim ka jylla uba dei u nongialam liangpyrshah na ka party TMC u Dr. Mukul Sangma ula ong ba um da kwah than ban pyni ialade ne ia ki kam ba ula leh ha social media namar ba ka politik ha kine ki sngi, ka la long ka jingpynhiar kput bad ka jingpynjot khamtam ia kiba ialeh pyrshah.
Haba kren halor ka jingpynkhreh ka TMC ia ka elekshon MDC sha Garo Hills Autonomous District Council (GHADC), u Dr. Mukul ula ong ba ula rai ban kham pynduna ban pyni ha rynsan social media khnang ba ki briew kin ym tip ia kaei kaba u leh khamtam ka jingpynkhreh ia ka elekshon MDC.
Ha kajuh ka por, ula ther ba kane ka sorkar ka la pyrshang ban pyntroin ia ki district council ha kaba ka la tuklar wat ban siew tulop ka lynti ka bym dei satia.
Ula kynnoh ba ki briew kiba don ha kane ka sorkar kila lute ia ka spah ka jylla bad ym tangf katta ka Secretariat ka dei ka ktem ban shna buit ban lute ia ka spah ka jylla da kaba shim kabu.
Ngam kwah ban pyni than ha social media namar ka Politik ka la kylla ka jingpynhiar kput mynta: Mukul
