Shillong: U myntri rangbah ka jylla u Conrad K Sangma ula wanrah ia ka kaiphod halor ka jingjia ha Mynsngat, Thangsko East Jaintia Hills, ha kaba 33 ngut ki briew kila iap na ka jingbthei ka krem tih dewiong beaiñ.
Ka sorkar kala ai jingiarap 24 lak sha kiba haiing hasem bad dang pynbiang ia ki jingdonkam ban pyllait ia kiwei bym pat ioh pdiang.
U Conrad ula ong ba la thung ia ka SIT ban tohkit ia ka jingjia bad la kem 7 ngut ki briew kiba donkti ha kane ka kam.
Ki bor sorkar kila hiar sha katei ka jaka ds kaba kurup ia ki tiar, ba pyndonkam ban tih dewiong.
Ka jingjia ka dei na ka jingpynbthei da u dynamite ha katei ka jingtih dewiong beaiñ.
La phah 5 kynhun ki pulit, 4 Platoon, nalor ki majistor bad ki ophisar.
Haduh mynta 62 tylli ki ejahar la ujor ejahar halor kane ka jingjia ha Thangsko. Ki pulit kila kurup 6 tylli ki kali kiba pyndonkam ban kit dewiong.
La kurup 15 hajar metric tonne tam u dewiong haduh mynta, nalor ki tiar ki tar.
Halor kane, ka sorkar kala thaw ia ka Judicial Inquiry Commission halor kane ka jingjia.
La kem 7 ngut, kurup 6 ki kali, la pyllait T. 24 lak, iap 33 ngut na jingjia ha Thangsko, ong u Conrad
