Shillong: Ka lympung ki Khun Samla Seng Khasi Seiñ Raij kaba ar snbi kala kut ha ka sngi Robibar ha shnong Wah Nongkseh kaba hap ha ka thaiñ Sohiong.
Ha kane ka lympung, ki samla kiba don ha ka jingngeit tynrai Khasi, kila wan tuid sha katei ka jaka ban ialum ialang ban iasyllok na ka bynta ban pynneh ia ka riti dustur ka niam ka rukom jong u Khasi kumba la hikai bad saiñ dur ki longshwa manshwa.
Nalor ki nongkren halor ki phang bapher bapher, la ioh ruh ia ka jingpyni lariti na ki tnad seng Khasi Seiñ Raij bapher bapher ka ri Khasi-Jaintia.
Kawei na ki nongkren ka kong Pretty Shylla na ka Seiñ Raij Ummulong, ka la ong ba ka niam ha u Khasi ka dei na rympei ïing. U Khasi shwa ba un mih shabar u dei ban pyndep ia ka niam na iing na sem. Ha u Khasi ka niam ka don lai bynta, kawei ka niam kha, ka niam shongkha bad ka niam iap.
Ka la ong ba ka donkam ban saindur ia ka niam ha rympei ïing khnang ka jingngeit niam kan long kaba khlain.
Ki katto katne tylli ki tnat seng kiba pyni ia ka riti ki long ka Seng Khasi Sohiong, Mawlangwir, bad kumjuh ki tnat na Seiñ Raij.
Ka lympung ba 6 ki Samla Seng Khasi-Seiñ ha Wah Nongkseh
