Shillong: U Bah Adelbert Nongrum uba dei u MLA ka VPP na North Shillong, u la ong ba un kren ha Ïingdorbar kum u nongthaw aiñ, ha kaba u la pynpaw beit ba um pdiang ïa ka jingweng lane suspend jong ka VPP ïa u na ka seng.
Haba kylli shuh shuh halor ka jingweng jong ka VPP na ka seng, u la ong ba un kren beit ïa ki mat kum u nongmihkhmat ba ki paidbah ka North Shillong ki la sei.
U la ong ba um pyneh ne ïaleh pyrshah ïa ka party, hynrei ka VPP ka la dei ban leh da ka lynti ba dei bad ka dei ban pynpaw ba ka suspend ïa u MLA ka North Shillong ym tang ban kdew ïa ka kyrteng.
Ngan kren kum u nongthaw aiñ, ngam pdiang ïa ka sospon ka VPP: Adelbert
