Shillong: Ha ka step phyrngab ka sngi u Blei ka 8 tarik Rymphang, 2026 kumba ha ka por 2.20 am, ki runar ki bym tip satia kila ioh lute suk na ka mashin ATM ha Mylliem kaba hap Mawngap Police Station.
Ki runar kiba don kumba 4 ngut eiei kila ioh rong tuh T. 35.34 lak tyngka na katei ka ATM kaba don ha surok bah Shillong-Dawki.
Shwa ban pynpra bad lute ia ka ATM, kila synreit da ka rong iong ia ka CCTV.
Ia kane ka jingjia la rejister ha Mawngap Police Station bad ki pulit ki dang tohkit bad thwet ia ki runar. Ki pulit ki la lum ruh ia ki lyngkhot lyngkhai, ki sakhi satar na kane ka jaka ban eksamin ban lap ia kiba donkti.
Lah ban kdew ba mynshem snem, ka ATM ha Mawkriah ruh kala shah tuh ha kaba ki nonglute ki pyndonkam da ka LPG cylinder ban ot ia ka mashin ATM. Hynrei haduh mynta ki pulit kim pat ioh kem satia ia kiba donkti halor kane ka kam.
Hadien ka Mawkriah, sa ha Mylliem hakhmat surok bah, ioh tuh ki runar T.35 lak ha Mylliem
