Shillong: Ka long ka burom kaba khraw ia ka jylla, ba ha ka sien ba nyngkong, ba kan lah ba kan ioh ia ka jaka ban pynieng ia ki kali ba shu sdien, ne ka rotary parking system, da ka jingplie paidbah u Myntri Rangbah u Conrad K Sangma, marjan bad ka Additional Secretariat mynta ka sngi.
Ka jinglah ban plie paidbah ia kane ka jaka ban pynieng ia ki kali lehse baroh kin kynmaw ba ka dei mar syndah ka Addl. Secretateriat kaba long ruh mar pyrshah bad ka ophis jong ka BSNL, kaba ha shwa ban tei ia kane ka jaka ban pynieng kali, lehse ka long ka jaka kaba khapngiah bad ba bun bha ki kali ba pynieng da ki nongtrei ophis ne wat kiba leit ban donkam sha ki ophis bapher bapher ba don ha shu bynta u lum jong ka Secreteriat.
Ha ka jingkren plie ia kane ka jaka ban pynieng ia ki kali, u Myntri Rangbah u Co nrad K Sangma, u kam ba ka long ka jingtei sah nam ban pynitynnad shuh shubhia ka nongbah Shillong.
I akane ka jaka pynieng kali ba shu dien bun mala la tei ha ka jinglut kaba long ₹6.5 crore,, ha kaba lah ban pyjieng haduh 58 tylli ki kali ha ka juh ka por, bad kaba lah ruh ban kham pynsting ia ka jingkhapngiah ki kali.
Kane ka jaka pynieng kali la tei ryngkat ki kor ki bor kat kum kane ka juk kaba mynta, kaban pyntikna ia ka jingshngian bad pynsuk ia ki trai ba don kali, kaba pynlong ia uba bun balang ban iaroh bad pyrto ia kiane ka jingleh ka sorkar, kaba iai bteng ban don ialade ha ka thong ban pynkylla ia ka nongbah kum ka smart city.
Ka jaka ieng kali ba shu pynshong ia ki kali da ka lift ha phyllaw ka Additional Secretariat
