Shillong: Ki pulit kila kem ia ar ngut ki briew hadien ba kila tuh ia ka mobile, kaba la saphriang ruh ka video ha rynsan social media.
Ha ka kyrwoh na ki pulit, kila ong ba kila ioh pdiang ia ka ejahar ha ka 29 tarik Kyllalyngkot 2026 ba ha ka 22 tarik hi mynta u bnai, ar ngut ki briew kila rung ha M/s AK Enterprises ha Glorys Plaza Khyndai Lad, Shillong bad kila tuh ia ka mobile Samsung Galaxy S23 Ultra ha kaba ka video halor kane ka la saphriang sted bha ha social media.
Ha ka 30 tarik Kyllalyngkot, 2026 ki pulit hapoh ka jingialam u SI Arkwis Iawphniaw na Sadar PS kila leit kem noh ia kine ki ar ngut kiba la tip kyrteng kum u Bracely Suna bad u Underson Sumer na Mukhla, West Jaintia Hills.
Ka jingtohkit ka dang iaid ioh don sa kiwei kiwei kiba ju iadon kti ha ki kam tuh.
Shah kem 2 ngut na Mukhla, West Jaintia ba tuh mobile na Glory Plaza
