Shillong: Mynta ka sngi, u myntri rangbah ka jylla u Conrad K Sangma ula kynduh ia u Myntri rangbahduh ka ri u Narendar Modi ha New delhi.
Ha kane ka jingkynduh, u Conrad ula pyntip ha u Modi ba ka jylla Meghalaya ka la kiew tam ban ia ka jingkiew ka ri kaba la kot sha ka 12 percent ha ka GSDP katba ka ri ka long tang 9.8 percent ha ka snem mang tyngka 2025.
Ha kajuh ka por, u Conrad ula ong ba ka jingiap ki kmie ka la hiar sha ka 59 percent katba ki khunlung ka la hiar sha ka 34 percent naduh u snem 2020 ha Meghalaya. Ula pyntip ruh ba ka jylla ka la iaid shaid shaid ban tei ia ka New Shillong ha ka jingmang pisa kaba 7000 klur bad kan pynmih kam ia kumba 50 hajar tylli.
Shuh shuh ula pyntip ruh ba ka Meghalaya kan pdiang ia ka 39th National Games ha kaba palat 12000 ngut tam ki nongialehkai kin iashim bynta.
U Conrad ula ai khublei ia u Modi halor ka jingshim khia ban phah ia ka dulir ka jingkieng jri sha ka UNESCO ban rung ha ka World Heritage list.
Ha kajuh ka por, ula ai khublei ia u Modi uba la ai khublei ia ki paidbah ka Meghalaya ha ka sngi ioh jylla.
Ha ka jingkynduh ia u Modi, u Conrad ula iasam ia ka khajna jingkiew sted ka Meghalaya ha ki kam pynroi, ha ka ioh ka kot bad ha ki bynta bapher bapher.
Ula kyrpad ruh ia u Myntri Rangbahduh ka ri ban theh shuh shuh ia ki jingiarap pisa na ka bynta ka jylla khnang ba ka jylla kan lah ban kynjoh sha ka thong kaba 10 Billion US Dollar ha ka ioh ka kot ha u snem 2032 ban kynjoh sha ka Viksit Bharat jong ka ri.
Kiew tam ka Meghalaya ban ia kiwei ha India, iathuh u Conrad ha u Modi
