Shillong: U myntri ka tnad ialehkai ka jylla u bah Wailadmiki Shylla ula kyrmen skhem ba ka jylla Meghalaya kan sa pynmih ia ki nongialehkai kynjatbol kiba kynsai ym tang ha ka ri hynrei ha ka pyrthei ruh.
Kane ka long namar ba ka jylla ka la iaid shakhmat ban tei ia ka madan kynjatbol kaba heh tam ha ka ri India, kaban ngiam 40 hajar ngut ki nongpeitkai nalor ki jingdonkam kiba biang nadong shadong kumba long sha kiwei ki ri.
U myntri ula ong ba ynda la dep ia kane ka madan kaba la buh thong ban pyndep hapoh 36 bnai, ka jylla kan sakhi ia ki jingialehkai kiba heh ban wan nabar ri bad kane kan kyntiew ia ki samla ka jylla ruh.
“Ka football stadium kan ngiam 40000 ngut ki nongpeit kai bad yn pyndep hapoh 36 bnai, ia mynta ym pat rai mano ban pyniaid, donkam ban pyniaid ki briew ba biang”, la ong bah Wailadmiki.
Ula bynrap, ‘Ka thong ka sorkar ka long ban sei ia ki nongialehkai kiba kynsai ym tang ha ka ri hynrei shabar ruh. Ki jingialehkai kiba heh ban wan nabar ri, kan long ha kane ka madan. Ynda la dep kane, ki jingialehkai kiba heh kin sa wan bad ki nongialehkai na kane ka jylla ruh kin ioh ka rynsan kaba biang”.
La mang ia kane ka madan ha ka jinglut kaban long 732 klur tyngka.
Ka madan phutbol ba heh tam ha India 40,000 ki nongpeitkai: Wailadmiki
