Shillong: U number 1917 u long kum u ksiang ban pyniakynduh ia ki nongthied bad ki nongrep na ka bynta ban pyniaid iew ia ki mar rep.
Shi bynta halor kane, ka 1917 iTEAMS lyngba tnad Agriculture and Farmers Welfare k ka la pyllong ia ka iew ban die ia ki mar rep ha phyllaw ka ophis ri dohkha ha Shillong ha kaba la shna kumba 17 tylli ki dukan.
Haba iathuh halor kane, u Programme Manager ka 1917iTEAMS bah GC Shullai ula ong ba haduh mynta kila don 1.66 lak ngut ki nongrep kiba la rejister ha ka iTEAMS bad kumba 1 hajar ngut tam ki nongthied, ha kaba kine ki iakynduh ban iadie iathied ia ki mar ki mata.
Ka iTEAMS ka shu pyniakynduh ia ki, bad ka dor ka mur pat ka shong ha ki ban iakren iapynbeit.
Ka jingiarap ka long naduh ka rukom thung, ka jingpynbiang ia ki kali khnang ban iarap ia ki nongrep.
Ha kane ka ïew ki nongrep na kylleng ki district jong ka Jylla kynthup ruh ba Ri Lum Garo ki la ïoh ban wanrah ïa la ki jong ki mar rep, kum u soh ñiamtra, pathaw, tyrso, ka umngap, ka wine ba shna hi, ki strawberry, ki achar, musli musla nalor kiwei kiwei ki mar rep bad ki jhur ki jhep bad bun kidei beit kibym ai dawai.
Kine ki nongrep ki la pynpaw ka jingsngewkmen ba ki la ïoh ka lad ban wan die ïa ki mar rep ki jong ki bad ka long ruh kaba ïaid ïew bha.
Long ksiang ka 1917iTEAMS ban pynkynduh ia ki nongrep bad ki nongthied
