Shillong: Ki sengbhalang ka thain Mawsynram kynthup ka FKJGP, HYC, HNYF, bad kiwei kila nang syier ba ki paidbah kin shah ktah shuh shuh hadien ba kila mad ia ka jingsyllang ha kine snem ba la dep halor ka rukom siew bai thang ding.
Kane ka jingsyier ki paidbah ka long hadien ba ka sorkar ka la aiti ha ka kompeni SAI Computer Limited ban lum bai thang ding hadien ba la bujli ha jaka ka kompeni barim ka FEDCO. Ki nongialam ki seng kila pynpaw ba mynshwa ha ka por ba lum bai thang ding ka FEDCO, ki paidbah kila mad ia ki jingeh namar ka jingkiew bai thang ding bad sa mynta ka jingwan ka SAI Computer ka lah ban mad biang kumjuh ia kane ka jingeh.
Kila sngew ba ka sorkar kala shu leh mon khlem iasyllok shwa ia ki nongialam shnong, ki paidbah bad ki kynhun bapher bapher.
Kila kam ruh ba ka jingaiti sha ka kompeni ban lum bai thang, kala pynduh ruh ia ki longïing ban ioh jingmyntoi na ki skhim ka sorkar India.
Hadien ba syllang ha ka FEDCO, syier ki paidbah Mawsynram ba wan sa ka SAI Computer ban lum bai ding
