Shillong: U myntri sorkar jylla uba dei ruh u MLA ka BJP u bah Sanbor Shullai ula ong ba kiwei ki seng sain pyrthei kila pynshit bad pynbudnam ia ka BJP ba ka dei kaba shitniam tang ban pynbiej bad ialam bakla ia u paidbah.
U la ong ba um ju tuklar ia ki briew ban khang ne ban mana ban ym bam katkum ka mon laitluid jongki bad ki paidbah na ki jingngeit bapher bapher ki im da ka jingsuk ha ka konstitwensi jongu.
Ha kajuh ka por, ula ong ba ka party ka khot aplekshon na kito kiba kwah ban iakhun ia ka elekshon MDC sha GHADC bad ula kyrmen ba ka BJP kan jop bun ngut ha kane ka elekshon. Ula bynrap ba lada ki paidbah ki pynjop bun ia ka BJP ban synshar, kan pyni da ki kam ba radbah na ka bynta ka jingbit jingbiang jong ki.
Shu pynbudnam kiwei ki parti ia ka BJP kaba shit niam, ong u bah Sanbor
