Shillong: Ka Kashari POCSO Act ka nongbishar M.K Lyngdoh ka la rai set along ia u briew shiphew snem kynthih halor ka jingthombor bad batbor ia ka khynnah kaba dang 10 snem ka rta.
Ha ka kyrwoh, u Superintendent of Police (SP) ka East Khasi Hills bah Vivek Syiem ula ong ba ha ka 17 tarik Naiwieng 2018, la ioh pdiang ia ka ejahar ha Rynjah PS ba u Jogitar Japang ula thombor da kaba jrong kti ia ka khun ba 10 snem. Halor kane, la rejister ia ka jingjia ha ka ain POCSO Act bad la kem ia u Jogitar Japang 34 snem.
Ha ka jingtohkit, la set along ia u lai bnai tam. Ha ka 20 tarik Kyllalyngkot 2026, ka Kashari ka nongbishar M.K Lyngdoh ka POCSO Act, ka la rai pynrem ia u Jogitar Japang ban set phatok shiphew snem. Ia kane ka kam la tohkit da ka heh pulit Lily D Sangma kaba don ha Sadar PS, Shillong.
10 snem ngat phatok uba thombor ia ka khynnah 10 snem
