Shillong: U nongialam ka Congress ha Meghalaya u bah Manuel Badwar ula kam ba ka jingmang jong ka Congress kaba la shah lynthaw jem ha kine ki shiphew snem eiei, ka la dang koit biang.
Katkum ka jingong u bah Manuel, ka elekshon ha GHADC kaban sa long shen, ka Congress kan sa leh bha ban jop bun ki MDC.
U la kam ruh ba ka jingkhie im biang ka Congress ne ka revival ka la sdang mynta naduh ki Block ter ter watla ka shim por ban pynkhie im ia ka seng kaba la shah pynjot ha ki briew jongka ha kine ki snem ba la leit.
Ula ong ba ka skhim 100 sngi ne ka NREGA, kaba wanrah ka seng kan dei kawei kaba ki paidbah ki ioh jingmyntoi bha khamtam sha nongkyndong bad dei ha kane ka sorkar BJP kaba la pynkylla kyrteng ia ka.
U la ong ba kum ka party ka donkam ia ki briew kiba rim bad ki samla kiba lah ban synniang ban kyntiew shuh shuh ia ka party bad ia ka imlang sahlang.
Haba kynthah ia kiwei kiba phet, u la ong ba kito kiba wan sha ka party ban shim kabu, ban kamai spah, ka bha ba kin ym rung namar ba ka long pyrshah ia ka nongrim ka party.
La sdang koit ka jingmong ka Congress, ka revival ka la sdang, ong u bah Manuel
