Shillong: U nongialam ka Congress ha Meghalaya u bah Manuel Badwar ula pdiang ia ka rai ka sorkar jylla ban ailad biang ia kito ki samla kiba phiel klas IX ne X ne ki bym ioh lad ban ialeh matrik, ba kin ioh ialeh biang.
Dang shen ka cabinet ka sorkar jylla, ka la rai ban ailad ia ki samla kiba phiel klas IX bad klas X ne ki bym ioh lad ban ialeh matrik namar ba ki iakynduh jingeh, ba kin ialeh ia ka matrik ha u snem ban wan.
Kane ka sienjam ka long ban pynduna ia ka jingdon ki khynnah kiba pep skul noh shiteng por.
U bah Manuel ula ong ba ka pule puthi kam kut tang ha ka jingpass ia ka kyrdan bad ha ka rta hynrei ka dei ka jingiai bteng ban wad ia ka jingtip bad dei ban ailad ia ki briew ban bteng ban wad ia ki jingtip.
Ula iahap ia ka sienjam kaba la shim ka tnad pule puthi ka jylla halor kane ka bynta.
Hynrei kane ka dei tang shi bynta, bad kaba donkam ka long ban pynthymmai ia ka tnad pule puthi ka jylla ym dei tang ban shu tah mluh tuk tak namar ba ka jylla ka dei kawei kaba hiar tam ha ka pule puthi ha ka ri.
‘Ka biang, tangba ym dei ban shu tah mluh’, ban ailad ialeh matrik
