Shillong: U myntri rangbah ka jylla u Conrad K Sangma ula leit plie ia ka dur ka riti dustur u Khasi kaba la tei Mawlai, kaba dei ka tem ka Voice of the People Party (VPP) ne u Prah. Ia ka dur la tei ha Rymbai Fuel Station, Mawlai Mawiong Rim.
Ia kane ka dur riti dustur u Khasi la tei shi bynta jong ka jingrakhe ka Seng Samla, Mawlai Pyllun, ha ka jingiaid lynti kaba 20 snem kynthih jongka.
Haba kren ha kane ka jingialang, u Conrad ula ai jingiaroh ia ka Seng Samla Mawlai kaba la lah ban tyllun ban shakri ia ka imlang sahlang, bad khamtam ia ki samla ha kine ki ar phew snem.
U la ong ba ki samla ki dei ki bynta ba kongsan bha ha ka imlang bad ka jingdon ki seng samla ban btin lynti ia ki na ka bynta ka lawei jongki na ka bynta ka jylla.
Ula kyntu ia ki samla ban shim kabu ia ki prokram bad ki skhim ba ka sorkar ka la tyrwa na ka bynta jongki ban kyntiew ia ka jingim jongki.
Haba ai mynsiem ia ki samla, u Conrad ula ong ba ki samla ki dei ban kynmaw ba kane ka dei ka juk jong ka jingiakop bad ki dei ban long kiba la khreh ban iakhun.
Ha kane ka prokram, ka Dorbar Shnong bad ka Seng Samla Mawlai ka la ai dorkhas ruh ha u Myntri Rangbah ia ki jingdonkam jong u paidbah.
Ha ktem u Prah, leit plie u Conrad ia ka dur riti dustur u Khasi
