Shillong: Ka kynhun myntri ne ka cabinet ha ka 16 tarik Kyllalyngkot, 2026 ka la shim ia ka rai ban pynrung ia ka jinghikai ia ka sobjek Community-Integrated Skill Learning (CISL) naduh klas VI haduh X.
Kumba long mynta, ka sobjek Health and Physical Education ka dei ka sobjek ba hynriew ia ki klas VI haduh X bad ki lynnong jongka ki iadei beit thik tang ki kot pule bad ki jingtip. Khnang ban pyllong ia kane ka sobjek kaba kham don jingmut bad kaba ioh ban leh da ka kam, ka sorkar Meghalaya ka la mynjur ban pynbynrap shuh sa ia ka Community-Integrated Skill Learning (CISL).
Ki khynnah skul kin pyni ia ka sap ba ki don ban kham tip ban nang kham bha shuh shuh ia ka sap kaba kiba sngew tynnad bad ka jingtrei kiba haiing hasem.
Lada u ne ka khynnah skul, ki ioh kpa ne kmie kiba rep, ki lah ban jied ban leh practical ia ka kam rep da kaba shim pateng ia ka sap na ki kmie ki kpa. Lada ki khynnah ki ioh kmie ioh kpa kiba shna ksiar kum ki bania, ki lah ban jied ban pyntbit ha ka kam shna ksiar bad kumter ter ter bad kane ka long ban pyllong ia ki khynnah ba kin ym klet ban ym ieh ia ki kam jong ki kmie ki kpa, ban kyntiew shuh ia ka kam jongki wat hadien ba kila pyndep ia ki jingpule kiba heh shajrong khamtam kiba pynim bad pynmih kamai.
Lada dei ka kmie kaba shet bakery ne u kpa ba long bania, ki khun kin bteng ia ka kam da ka CISL
