Shillong: U Myntri rangbah ka jylla u Conrad K Sangma ula ong ba ka jingthmu ba kongsan ka Cabinet Retreat ka long ban pynthikna ba ka jylla kan kynjoh sha ka thong ha ka ioh ka kot kaba 10 billion US dollar ha u 20230.
Mynta ka sngi, ka sorkar ka la pyllong ia ka Cabinet Retreat ha ka sien kaba lai ha ka jylla ha Orchid Resort, New Shillong Mawkasiang.
Ha kane ka Cabinet Retreat ki ophisar kiba rit naduh ki BDO, haduh kiba heh tam, ki ioh ia ka lad ban iashim bynta ban ai ki jingmut jongki sha ka sorkar na ka bynta ban pynbha ia ka synshar khadar, ka jingpyntreikam ia ki skhim pynroi. Ki ophisar ki lah ban buh ia ki jingkylli, bad ki lah ruh ban ai jingmut sha ka sorkar.
U Conrad ula ong ba kawei ka rule ka lah ban pynkylla ia ka kam bah bad wanrah ka jingkylla sha ki paidbah.
U la ong ba kiwei ki lah ban kynthoh ba ka dei ka jingpyllut phut, hynrei ai ba ki kam kin bishar, hato ka sorkar ka pyllut phut ne ka trei ia ki kam.
U la ong ba dei namar ba dei lyngba ka cabinet retreat ba ka sorkar ka la ioh shibun ki buit ki lad ha kaba mynta ki file kiba ju iaid kyllain jelebi shi snem hynrei tang hapoh 24 kynta kila dep.
Ka Cabinet Retreat ka thong sha ka 10 billion| ki file ba ju iaid 1 snem mynta 24 kynta la dep: Conrad
