Shillong: U myntri ka tnad ka koit ka khiah ka jylla u bah Wailadmiki Shylla ula pyntip ba ka sorkar kan pyllait noh ia ka tulop ki Nurse mynta hi u bnai kaba sah katto katne bnai.
Kumba 400 ngut eiei ki Nurse kiba trei kontrak, kim shym la ioh tulop la kumba ar bnai kynthih mynta.
Hynnin ka sngi ka seng Voice of the People Party (VPP), bad ka seng Hynniewtrep Youth Council (HYC) kila dawa na ka sorkar ba kan pyllait noh mardor ia ka tulop sha ki Nurse bad kila pynrem ia kane ka rukom leh ka sorkar.
Haba kren mynta ka sngi, u bah Wailadmiki ula ong ba ka daw ka jingslem ban ai tulop ka don ka jingthut khyndiat namar ba ka la kut bad hap ban pynthymmai bad katkum ka rukom treikam ka sorkar, hap ban phah sha ka tnad Planning bad Finance.
U la ong ba ka sorkar kan pyllait noh ia ka tulop mynta u bnai hi namar ba mynta la dep artad ban pynbeit ia ki jingdonkam.
Mar syn byrthen ka VPP, HYC, ong u myntri ban pyllait noh ia ka tulop ki Nurse
