Shillong: U Myntri ka Tnad Pule Puthi Bah Lahkmen Rymbui ula ong ba um pat ioh jingtip kaei ka daw kaba la pyllong ia ka Meghalaya Transports Corporation (MTC) ban pynsangeh noh ban kamai skul ia ki bos jongka.
Dang shen, ka MTC ka la pynbna ba kan sangeh noh ban phah kamai skul ia ki bos naduh ka 1 tarik Iaiong ban wan mynta u snem.
Haba kren mynta ka sngi, u bah Lahkmen ula ong ba um pat ioh kylli ia kaei ka daw ba ka MTC kala pynsangeh bad na kane ka daw, um lah ban kynthoh halor kane.
Ha kajuh ka por, u la ong ba ka Sorkar ka la pyrshang ban leh eiei halor ka jingkhapngiah ki surok bad ban kyrshan ia ki khynnah skul, haba kdew ia ka jingsdang pyntreikam ia ki bos Sustainable Transport and Efficient Mobility Society (STEMS) ar snem mynshuwa da u Myntri Rangbah ka Jylla Conrad K Sangma.
U myntri ula ong ba lada kine ki bos STEMS ki long kiba iarap shisha, ka Sorkar kan sa nang pynbun ia ka jingdon jong ki ha kine ki bnai bad snem ban wan.
Ym tip ba pynsangeh kamai skul ia ki bos MTC, ong u bah Lahkmen
