Shillong: Ka tnad pulit ka East Khasi Hills ka la pynbna paidbah iar sha ki nongniah kali, ar shaka ba kin hap ban bud ryntih shriak katkum ka ain bad jar kiba leh pyrshah yn ngat ha ka kuna wat haduh ban thep sha phatok ruh.
Ha ka jingpynbna, u Superintendent of Police (SP) ka East Khasi Hills bah Vivek Syiem ula ong ba kiba ñiah ïa ki kali ne ki ar shaka ryngkat buaid kyiad kin ngat ha ka jingshah pynshitom hapoh ka kyndon 185 MV Act ryngkat ka kuna kaba 10 hajar tyngka bad ha phatok hynriew bnai.
U SP u la ong ba kino kino ki kali pynieng lymmuh ha ki jaka ba la mana, kin ngat ha ka kuna kaba T.500 haduh T.2000. kane ka ain kan treikam lut ia baroh bad la bthah ïa ki ba ki dei ban ïeng ha ki jaka ba la shah ban ieng, lym kumta kin ngat ha ka kyndon 177/179(1) ka MV Act.
Ym tang katta, u SP pynap ruh da ka kyndon ia kiba mlien ban tur bad knieh jam rak rak, kaba lah ban buh jingma ia kiwei, ha kaba kin shah tan ha ka ain khlem jingmap kaban long 2000, 5000, 10000 tyngka.
Ki kali kit jingkit kum u skum kba ki dei ban tap bha, lym kumta kin ngat ha ka kuna kaba 2000 tyngka.
U SP ka East Khasi Hills u la kyrpad ia ki nongniah kali ban bud ryntih ia ka ain namar ba ki pulit kin treikam noh mardor.
1500-2000 kiba ieng lymmuh, bym kup helmet, 10,000 bad 6 bnai ha phatok ia kiba niah khyllew bad buaid: Pulit
