Shillong: Ka jingjaboh ka thain Golflink kaba dei kawei ka jaka jngohkai kaba pawnam ha ka nongbah, ka la ktah jur ia ka dorbar shnong. Ka daw ka dei namar ba ki paidbah kim don ka jingkitkhlieh bad ka jingmut jingpyrkhat jongki, ka dang long riewdum.
Ka dorbar shnong ka la sngew dom ia kane ka jingleh ki briew ban wan bret jaboh ha katei ka thain bad ka la byrngem ban pynshitom da kaba tyngeh beit dain da ka kuna kaba T. 1 lak tyngka lada ioh bat.
U Rangbah Shnong bah Michael Hek ula ong ba ki briew ki ju sngew tynnad bha ban wan bret jaboh ha ka thain Golflink da ki kali ha ka por mynmiet bad kine ki briew kim don ka jingkitkhlieh bad ka jingpyrkhat kaba long shai.
Ka jingwan bret jaboh ki briew ka jur bha ha ki jaka don ki dieng ki kseh kiba ai ka jingtngen ia ka mariang katba ki briew pat ki shim kabu ban wan bret jaboh pynban ha katei ka jaka.
Ula ong ba ka jingtlot ka ain ban pynshitom ia kiba bret jaboh, ka la pynshlur ia ki briew ban wan bret jaboh.
U Rangbah Shnong ula ong ba ha kaba iadei bad ka jingleh khuid, ka kham lah ka ain shnong ban tehlakam ban ia ka ain sorkar.
“Lada u paidbah um peiphang, um shai ka jingmut jingpyrkhat, ka jingthmu ban pynkhuid, ban wanrah ia ka jingkhuid, kam poi re shaei shaei ruh”, la ong u bah Michael Hek.
Bitar ka Golflink ia kiba wan bret jaboh, byrthen ban dain kuna T. 1 lak
