Shillong: Ka Hima Sohra ka dei kaba la pait la pra teng mynshwa hynrei dei ha u Syiem Duwan Sing Syiem ba kala wan dur biang ka Hima Sohra.
U secretary ka Hima Sohra u bah Bnoh V Rymmai ula pynshai haba kren ha ka jingkyrkhu duwai ia u Syiem Marremdor Syiem ha Shnong Mawshuit kaba la pyllong ka Raid Mawshuit.
U la ong ba ka don hyndai ba ka Hima Sohra ka la sah khlem Syiem hynrei ha ka jinglong u Syiem Duwan Sing Syiem uba la wanrah biang ia ka jingiatylli ka Hima Sohra bad u dei u Syiem ba nyngkong duh ka Hima Sohra hadien ba la iapait iapra.
U bah Bnoh ula ong ba ai ba kane ka kynrum kynram kiban iaid lynti mynta, ha kaba ka KHADC kam pat pdiang ia ka jingthung Syiem ia u Syiem Marremdor Syiem ha kaba ka thung pynban da u Acting Chief u bah Mynjur Majaw uba dei hi u myntri ka Hima Sohra, watla ym don eiei ban ong ia kita kiba bat ia ka bor hynrei kyrpad ba u Blei un pasiaw ha ki shkor jong kiba bat ia ka bor, ba kin don ka jingsngew ba ka District Council ka wan ka dei ban pynneh pynsah ia ki riti dustur kumba la seng ki longshwa manshwa ha ka Hima Sohra, ym ban pynduh pyndam ne ban thaw thymmai.
Ai ba kiba bat ia ka ain kin sngewthuh ba kin pyniaid ryngkat ka tip briew tip blei, ym ban leh donbor bad khmih lynti ba ka jingkyrkhu kyrdoh ia u Syiem Marremdor kan long doh long snam khnang ba ka pyrthei kan tip ba kiba bat ia ka ain kin pyniaid ryngkat ka tip briew tip blei.
Ai ba kiba bat ia ka ain kin pyniaid da ka tip briew tip blei, ong u Secretary ka Hima Sohra
