Shillong: Watla ka sorkar ka la buh por ban pyndep hapoh 31 tarik Nohprah 2025 ia ka surok Four Lane na Umshyrpi sha Baniun, hynrei kam shym la urlong.
Kham mynshwa, u Symbud Myntri Rangbah ba peit ia ka tnad PWD bah Prestone Tynsong ula ong ba yn pyndep ia ka surok Four lane na Umshyrpi sha Baniun ha u Nohprah ba la dep.
Mynta ka la iaid sha u snem thymmai 2026.
Kiba bun ki bynta kum ha 101 Area, ha Umshyrpi ter ter wat shaduh Laimer, ym pat dep satia ia ka jingshna ia ka surok bad ki briew ki dang bam pum pum bad kynroh kynram ka surok.
Watla ka kompeni ka la trei tyngeh hynrei ka kam, ym pat lah satia ban pyndep bad kumba ka paw, ki paidbah kin dang hap bam pum pum bad shong kynruh shwa sa katto katne por.
Kawei pat ka dei ka surok na Baniun shaduh Dawki ha kaba ka sorkar ka la buh thong ban pyndep ha u 2026 hynrei kumba ka long kane ka dang I jwat bha namar ba ka surok naduh Mylliem ter ter shaduh sharum Pynursla, ka jingshna ka dang iaid suki bha khamtam namar ba ki don ki bynta kum sharum Laitlyngkot ter ter shaduh Lyngkyrdem kiba long riat bad maw siang bha tdaw tdaw.
Khlem lah pyndep ia ka surok 4 Lane na Umshyrpi sha Baniun, hato dep ia ka Shillong-Dawki ha 2026?
