Shillong: U Chairman ka North East Students Organisation (NESO) u bah Samuel B Jyrwa ula buh jingkylli ia ka sorkar India, balei hap ban pynbor ban iada ia ka ri haba ka sorkar India ka ong ban iada ia ka ri India.
Haba kren mynta ka sngi, u bah Samuel ula ong ba ki jingiakhih, ki jingpynbor kila iaid naduh mynshwa ban pynsngew sha ka sorkar India ba ka donkam ban iada ia ka North East hynrei haduh mynta balei, kam ai ia ki jingdawa ki paidbah ka North East.
Halor ka jingshah pyniap u samla na jylla Tripura, u samla Anjel Chakma, ka NESO ka la thoh sha ka sorkar India bad ka sorkar Uttarakhand ban pynsaja ia kiba donkti.
U la ong ba kiwei ki wan sha ki jylla ha North East ki ioh ban leh ia ki kam khaïi pateng, ki long nongmihkhmat, hynrei balei pat ki briew na North East ki shah hiar thma tang namar ba kim iadei ia ka dur ka dar.
‘Balei dang hap pynbor ban iada ia ka ri India’, kylli u chairman ka NESO ia ka sorkar India
