Shillong: Ka Committee Shlem jingiarap u Rupang mynta ka sngi ha ka sien kaba 14 ka la sam biang ia ki jingiarap sha ki 10 tylli ki longiing kiba duk bad kiba donkam shisha ia ka jingiarap.
Ia kane ka jingsam jingiarap la pynlong ha Mawkhar Chistian Higher Secondary School,Shillong ha ryngkat ka jingiadon lang kiba ha iing ha sem,ki nongnoh synniang bad ki katto katne ki riew rangbah bad longkmie kiba ju don bad noh mynsiem lem ia kiba duk ba jynjar.
Kine ki longing ki la ioh jingiarap da ki tiar khnang ban ioh pyndonkam ha ing ha sem kum ki tusok, ki Nep, ki borti bad ki tiar shet tiar tiew ban ioh pyndonkam ha ing ha sem.
U babu kular Khongjirem haba ai ia ka kaiphod, ula pyntip ba mynta u snem ki ioh jingiarap 65500 tyngka.
Na kane la mang mar 6000 tyngka sha man uwei u briew.
Ki 10 tylli ki longing kiba duk, kiba duna dkhot met ne shem jynjar ha ing ha sem ha ka sien kaba 14, ki long: (1) Kong Khma Phawa na Kyndongtuber,,East Jaintia Hills,(2)Kong Enselina M6nsong na Mawhati pomlaban (3)Kong Bik Mawlong na Umsaitsning umsmer(4)Bah Philo Siangshai na Musniang(5)U Khrawkupar Nongsiej na Mawsyiem (6)Kong Wanrilang Kurbah na Nongksehrim (7) TenishaManner na Nongryngkoh (8)Kong Staril Diengdoh na Laitryngew (9) Bah Romes Pyrtuh na Nongbsap bad (10) Kong Blasubin Kharakor na Laitlyngkot Lumthangding.
Duna kiba noh synniang na ka bynta kiba duk, ioh sam ka Committee Baduk tam tang 10 ngut
