Shillong: U myntri rangbahduh ka ri u Narendra Modi ula iashim bynta ha ka rakhe ia ka Khristmas ha ka Balang Cathedral Church of the Redemption’ ha Delhi, ha ka step ka 25 tarik Nohprah 2025.
Ha ka social media, u Modi ula thoh, ka jingshakri kaba khlem siewdor ka phalang ia ka khubor jong ka jingieid, ka jingsuk bad ka jingsngew lem. Ai ba ka mynsiem Khristmas kan ai mynsiem ia ka jinglong kawei bad ka jinglong paralok ha ka imlang sahlang.
Ha kawei ka liang, ka la don ka jingpynthut ia ka jingrakhe Khristmas ha kiwei ki bynta ka ri bad kawei ka dei ha Nalbari, Assam ha kaba ki riew shit niam, Bajrang Dal kila pynpra ia ka jaka kaba pynkhreh ban rakhe ia ka Khristmas.
Hynrei halor kane ka jingjia, ki pulit kila kem noh ia 4 ngut kiba donkti ban thaw jingkulmar.
Na ka liang ka BJP Meghalaya lyngba u nongaiktien ka party, u bah Mariahom Kharkhrang, ka la dawa ba ka ain ka dei ban pynshitom da kaba tyngeh ia kito kiba donkti ban pynthut ia ka Khristmas.
Shah kem kiba pynthut ia ka Khristmas, Iashim bynta u Modi ha Delhi
