Shillong: Mynta ka janmiet kumba ha ka por 3 baje eiei nohphai sngi, ar ngut ki briew kila mynsaw jur hadien ba ka kali kaba ki shong ka la kynduh ia ka aksiden bad ka trok.
Kane ka la jia hajan Lad Mawreng ha ka surokbah Shillong-Nongstoin hapdeng ka trok heh ML05AG 5777 bad ka trok rit ka Maruti Super Carry ML05X5528.
Ar ngut kiba shong ha Maruti Super Carry kila mynsaw jur bad la phlei snam katba ka trok heh ka shu kdor tang u number plate.
Ha kane ka jingjia, ia u driver ka Maruti Super Carry la sei hadien ba ki paidbah kila pynpra ia ka jingkhang ka kali da ki lyngka namar ba u sahkut hapoh kali haduh bym lah shuh ban plie ia ka jingkhang.
Ia kine kiba mynsaw la wan kit noh ka ambulance 108 ban ai ka jingsumar bad la ioh jingtip ba ki dei na thain Nongstoin, West Khasi Hills.
Ki pulit ruh kila wan poi sha katei ka jaka ban bishar bniah ia kane ka jingjia.
Sahkut u driver hapoh kali, da ki lyngka pynpra ban sei ba aksiden hajan Lad Mawreng
