Shillong: Namar ba bun ki nongniah kali kim pat thngad satia ia ka sienjam ba la leh, mynta ka sngi, ki pulit ka Ri-Bhoi kila mih sha surok ban talasi bad khura ia ki kali kiba la leh tam.
Ha kane ka jingtalasi ha Quinine, ki pulit ka Ri Bhoi kila lap ia ki kali kiba la pyndonkam bakla ban thoh kyrteng, Government of Meghalaya da ki riew shim kabu, nangta kiba buh siren leh mynleh kum ki heh ki hain bad kumjuh kiba tah ïit iong ngain ngain ban buhrieh ia kiba shong hapoh kali.
Khlem jingmap satia, ki pulit kila khruid ia ki jingthoh beain ha kali, ki tar ia ki ïit iong bad khura ia ki siren kiba la pyndait hapoh kali.
Ia kane ka jingkhura kali, la wan ialam hi u VS Rathore, Senior Superintendent of Police ka Ri Bhoi, ryngkat u Bah Orville Massar, Addl. SP ka Ribhoi, lem bad kiwei ki heh Pulit na Nongpoh bad Umsning PS.
Ki pulit kila lap ar-tylli ki kali kit pisa jong ki Bank bad kiba la pyndait Siren khlem ki kot ki sla kiba biang, ha kaba ki Pulit ki la weng noh ia kitei ki Siren.
Khrud ki pulit Ri Bhoi ia ka jingthoh ha number plate kali, sei ia ka siren, tar ia ki ïit iong
