Shillong: U MLA ka South Shillong u bah Sanbor Shullai uba dei ruh u myntri sorkar, ula thung ia u maw nongrim jong ar tylli ki projek ban shna surok hapoh ka konstitwensi kiba la kot sha ka T.3 klur duna.
Mynta ka sngi, u bah Sanbor ula plie ia u maw nongrim ia ka surok na Madan Rit shaduh Umkynrut LP skul ha Riat Laban, Kynjat Phutbol ha ka jingmang pisa kaba T. 95.03 lak.
Kawei pat ka dei ka surok na Madan Laban Laban Nepali School shaduh Seng Khasi Raid Laban Cultural Centre kaba la mang T. 1.85. Klur.
Haba kren ha kane ka jingialang lyngkot, u bah Sanbor ula ong b akum u nongmihkhmat paidbah um ju kham pynheh tyngam shuh hynrei pynheh da ki kam. Ula ong ba u kwah ban pynsawa da ki kam bad ban pynduna ia ka tyngam bad un iaid napoh napoh kum ka jhad duriaw ne ka submarine hynrei kan leh pat ia ki kam ba khraw.
Ha kajuh ka por, ula kyntu ia ki nongshong shnong ba kin kynmaw ia ki jinghikai ki kot bakhuid ban ym shet kylla ia kiba leh bha. U la ong ba ka jingduwai mynstep bad shwa ban thiah ia u Blei, ka dei ki dawai kiban ialam ia u ban long kumba u long mynta ban lah ban shakri ia ki paidbah.
U la ong ba ynda la dep ban shna ia kine ki surok, ym tang ba kan pynsuk ia ka leit ka wan jong ki nongshong shnong hynrei kan pynlait ruh na ka jingeh jong ki briew khamtam kito kiba don iing kham pajih ha kaba ka surok kan wan haduh tyngkong ïing.
Ngam ju pynheh tyngam, nga trei kum ka jhad: Sanbor| T. 3 klur duna, ai Khristmas & snem thymmai ia 2 tylli ki shnong
