Shillong: Shen ka Mawsynram konstitwensi kan sa kylla ih rong bad kylla samla biang ban khring ia ki nongwankai sha katei ka thain.
Ka sorkar jylla ka la dep pynmih hukum ban pynbha noh ia ka surok na Phlangwanbroi shaduh ka Ranikor ha kaba ka jingtrei kan sdang noh ha u snem thymmai ban wan.
U MLA ka Mawsynram u bah Olland Sing Suin haba pyntip ia kane, u la ong ba kane ka jingmang pisa ka sorkar ban pynbha ia kane ka surok kaba la rim bad jot, kan long ka jingai Khristmas bad snem thymmai ia ki paidbah ka Mawsynram. Ula ong ba ynda la dep ban pynbha ia kane ka surok, kaba la mang na ka pisa ka sorkar jylla, kan pynkhie samla biang ia ka thain mawsynram kaba la kup ia ka dur ka dar tymmen baroh shi katta namar ka jingsniew tasam ki surok, kaba la wanrah ia ka jingsohsat ha ka leit ka wan jong ki paidbah katei ka thain.
Kane ka surok kaba 27 km kan dei ka Intermediate Road kaba mut kaba lah ban iai kali 2 tylli.
Katba ka surok na Weiloi sha Phlangwanbroi yn sa bei pisa ka World Bank ha u 2026.
Ynda la dep ia kine ki surok, ka thain Mawsynram kan sa kyrsoi ha ki kam jngohkai pyrthei ban kyntiew ia ka ioh ka kot ha ka kam jngohkai ha katei ka thain.
Dei tang ka Mawsynram kaban khie samla na ka jingtymmen bad tan ia ki nongwankai da ka T.265 klur
