Shillong: U Myntri Rangbah ka jylla u Conrad K Sangma mynta ka sngi ula pynshai ba ka jingslem ka sorkar ban pyllait paidbah ia ka kaiphod ka Expert Committee, ka dei namar ba kam pat lah ban pule bniah thik pa thik naduh ki commo, ki semi colon, ki full stop.
Hynnin ka sngi, u President ka VPP u bah Ardent Miller Basaiawmoit ula bryngem ba lada ka sorkar kam sei madan noh shen, ia ka kaiphod ka Expert Committee, ka seng kan pyllong biang ia ka jingiakhih.
Haba kren mynta ka sngi, u Conrad ula ong ba ka jingslem ka dei namar ba kane ka kaiphod ka la rben palat haduh 4-5 hajar sla bad ka khia kumba 200 kilo, ha kaba u Chief Secretary bad ki babu sorkar, ki dang pule bniah bad mynta kila jan dep artad.
Katkum ka jingong u myntri rangbah, hadien ba la dep pule, u Chief Secretary un sa wanrah biang sha ka cabinet ba kan bishar bniah shwa ban pyllait sha ki paidbah.
Ka jingbyrngem u bah Ardent bad ka jubab na u Conrad halor ka kaiphod ka Expert Committee
