Shillong: Ka ri Khasi-Jaintia bad ka jylla Meghalaya mynta ka sngi, ka la rakhe tympang ia ka sngi khlad jong u riew khraw, u nongphira ka jaitbynriew, u Myllung Soso Tham, jong ka lyngkhuh sngi iap kaba 85 snem kynthih.
Ka Khasi Students Union (KSU) jong ka tnad Mawlai bad NEHU ka la plie ia u mot dur jong u Myllung Soso Tham ha phyllaw ka NEHU ryngkat ka jingthoh, “ngi im ha kiwei pat ki sngi, aiu ngin leh namar ka ri”.
Ia kane ka kyntien u Myllung Soso Tham, ula thoh ha ka poitri ha u snem 1933 hynrei hadien 30 snem eiei, u President ka ri America u John F Kenendy u pyndonkam ia kane ka ktien, ha kaba u la ong, “wat kylli aiu ka ri kan leh na ka bynta jong phi, hynrei kylli phin leh aiu na ka bynta ka ri”, kaba iadei bad iasyriem thik kumba la kren u Myllung Soso Tham.
Ki nongkren ki kynthup ia u President Rangbah ka KSU u bah Lambokstardwell Marngar, u President barim ka KSU u bah Samuel Jyrwa uba dei ruh u Chairman ka North East Student Organisation (NESO) kumjuh u nonghikai ka NEHU ha ka sobjek Khasi u bah M Khymdeit bad kiwei.
‘Ngi im ha kiwei pat ki sngi, aiu ngin leh namar ka ri’, ka kyntien u myllung Soso Tham ha 1936, u president ka America u kren ha u 1963
