Shillong: Ka seng sain pyrthei Hills State People Democratic Party (HSPDP) Youth Wing kala dawa na u myntri ka tnad Lariti ka jylla u bah Sanbor Shullai ban kyntiew kyrdan noh ia ka District Library sha ka District Multi-Convention Centre ha Nongstoin.
Ha ka dorkhas ka HSPDP ka pynpaw ia ka jingdonkam ban don ka Convention Multipurpose bad ka Community Center kaban ai ka jingshakri ha ki jingdonkam bapher bapher jong ki paidbah ka West Khasi Hills.
Ka HSPDP ka la ong ba ka jingkyntiew kyrdan ia ka library kan iarap kyntiew ia ka Lariti, kan plie lad ia ki samla bad kan ai jingmyntoi ia ki samla pule, ki Artist, ki seng samla, bad ki paidbah nongshong shnong, kan long kum ka jaka pule na ka bynta ki samla ki bym don jaka pynkhreh ia ki eksamin bapher bapher.
Ka Party ka la kyrpad ïa u Myntri ban mang ïa ka pisa kaba donkam bad ka jingkyrshan na ka tnad Arts and Culture bad ban pynrung ïa kane ka projek ha ka plan na ka bynta u snem 2025-2026.
Pynkiew kyrdan noh sha ka District Multi-Convention Centre ha Nongstoin: HSPDP
