Shillong: Mynta ka sngi, u myntri rangbah u Conrad K Sangma ula leh kum u Mistri niah rong da kaba iashim bynta ha ka jingairong airup ia ki kynroh, ki lynti ha Mawroh, shi bynta jong ka projek ka sorkar ban pynitynnad ia ka sor Shillong.
Ha kane ka sngi, u Conrad ula pyllait paidbah ruh ia ka City Beautification Drive ha Mawlai Mawroh ha ka jingdon lang u Chief Secretary, Dr Shakil P Ahammad, u Director, ka Urban Affairs uba dei ruh u CEO, Shillong Municipal Board, P K Boro bad kiwei.
Kane ka projek ba pyntreikam ka sorkar ka long ban pyllong ia ka Shillong kaba kaba khuid, kaba jyrngam, kaba shngain bad kaba bhabriew.
Ula ong ba ka sorkar ka la dep ruh ban buh ia ki CCTV ha ki 25 tylli ki shnong bad sa 20 tylli la jan dep artad na ki 45 tylli ki shnong kiba la buh thong.
U la ong ba kam don kata kaban ong kaba rit ne kaba heh, hynrei wat kaba rit ruh ka lah ban wanrah ia ka jingkylla ha ka roi ka par.
Ula sam ruh ia ka Beautification Grant sha ki shnong bad ula plie ruh ia ki CCTV ba la buh ha Mawlai Mawroh. Kham hadien, ula leit jngoh ruh sha Mawlai Iewrynghep.
Leh misteri niat rong u Conrad, ai rong ia ki kynroh ha Mawroh ban pynbha briew ia ka sor Shillong
