Shillong: Ka la donkam ia kito kiba ioh ia ka Ration Card ba kin pynthymmai da ka e-KYC ne ka Electronic Know Your Customer namar ba ka sorkar India lyngba ka jinghukum ka kashari Supreme Court, ka la bthah ba baroh kiba bam khaw reshon, kin hap leh E-KYC ban pynshisha khnang ban lait na ka jingleh thok.
Kane ka long namar ba ka sorkar India ka kwah ba ki skhim ki dei ban poi hok sha kiba dei hok ym ban poi shano shano.
Ia ka prokram halor kane, la pyllong mynta ka sngi da ka Blossom CLF Women Multipurpose Cooperative Society Ltd Pyndengumiong, Eastern West Khasi Hills District.
Ka Deputy Commissioner ka Eastern West Khasi Hills District ka kong Anita Kharpor ka long kum ka Kongsan ha ka jingdon lang u u bah W. Marbaniang u CLF Maneger, u Officer ka Food and Supply u bah GH Kharsamai, ka Kong B.Kharsyntiew ka President CLF, ka kong M.B.Warbah One stop Centre Manager, ryngkat khrui ki longkmie kiba la wan ban sngap ia kane ka Prokram.
Ka DC la ong b akum kane ka Prokram kan iarap ban ai ka jingpynshai sha ki longkmie halor ka jingtip khnang ba kin sngewthuh ia kita ki skhim ki jingiada kiba pher kiba don na bynta jong ki.
Ka kong MB Warbah na ka One stop Centre Mairang ka la pynshai halor ka jingshah thombor ki kynthei kiba kynthup ia ki khyllung khynnah ki lad jingiada bad ki ain jingiarap.
Katba u Officer Food and Supply u bah GH Kharsamai ula pynshai halor ka jingdonkam ban leh noh ia u E-KYC ha ka Ration Card khnang ba ki paidbah kin ioh tikna ia ka bhah ioh khaw bad ban lait na ka jingshah leh tuh.
Kiba bam khaw reshon hap leh E-KYC, ba lait shah leh tuh bad duh khaw sorkar
